આજ કાન્હ કરિ
કીર્તનના શબ્દો
આજ કાન્હ કરિ હૈ અન્ન પ્રાસન ।
મનિ કંચનકે થાર ભરાયે ભાઁતિ ભાઁતિકે વાસન ॥૧॥
નંદઘરની બ્રજ બધૂ બુલાઈ જે સબ અપની પાઁતિન।
કોઊ જૌનાર કોઊ કરૈ ઘૃત પકે ખટરસ કે બહુ ભાઁતિન ॥૨॥
બોહોત પ્રકાર કિયે બહુ બિંજન અનેક બરન મિષ્ટાન ।
અતિ ઉજ્જ્વલ કોમલ અતિ સુંદર અતિ અદ્ભુત પકવાન ॥૩॥
જસુમતિ નંદહિ બોલિ કહ્યૌ તબ મહર બુલાવૌ જાતિ।
આપુ ગયે સબ ગોપનકે ઘર લૈ આયે સબ જાતિ ॥૪॥
આદર કરિ બૈઠાય સબનકોં ભીતર ગયે નંદરાય ।
જસુમતિ ઉબટિ ન્હવાય કાન્હકોં પટ ભૂષન પહરાય ॥૫॥
બારબાર મુખ નિરખિ યશોદા પુનિ પુનિ લેત બલાઈ ।
તનકસી ઝગુલી માલા મોતિન કર ચૂરા દુહુઁ પાઈ ॥૬॥
ઔર જાત સુત મુખ જુઠરાયૌ નંદ બૈઠાયે ગોદ ।
મહરિ બુલાઈ બૈઠારી મંડલી આનંદ કરત વિનોદ ॥૭॥
કનિક થાર ભરિ ખીર ધરી લૈ તાપર મધુ ઘૃત નાઈ ।
નંદ લૈ લૈ હરિ મુખ જુઠરાવત નારિ ઉઠીં સબ ગાઈ ॥૮॥
ખટરસ કે પરકાર જહાઁ લગિ લૈ લૈ અધર છુવાવત ।
વિશ્વભર જગદીશ જગત ગુરુ પરસન મુખ કરવાવત ॥૯॥
તનક તનક જલ અધર પૌછિકેં જસુમતિપે પહાઁચાયે ।
હરખિત યુવતિ સબ લૈ લૈ મુખ ચૂમિ ચૂમિ ઉર લાયે ॥૧૦॥
મહરિ ગોપ સબહી મિલિ બૈઠે પનવારે પરસાયે ।
ભોજન કરત અધિક રુચિ ઉપજાવૈ જો જિહિં જિહિં મન ભાયે ॥૧૧॥
યહ વિધિ સુખ બિલસત બ્રજબાસી ધનિ ગોકુલ નરનારી ।
નંદકુઁવરકી યા છવિ ઊપર સૂરદાસ બલિહારી ॥૧૨॥