અરી સખી સાંમરી

અરી સખી સાંમરી હો, અકેલી યહ વન કહાં તે આઈ ॥

તરુન તરુન તેરો તન પ્યારી શ્રી રાધે કે મન ભાઈ ॥૧॥

નંદગાવ કી સાંમરી હો સ્યામા મેરો નામ ॥

સાંઝી ફૂલ કુશલ સુન રાધે દર્શન હી કો કામ ॥૨॥

જબ લલિતા જુ ભુજ ભર અપુને શ્રીરાધાસોં ભેટાઈ ॥

નયે નેહ સોં મિલત પરસ્પર બરસાને લે આઈ ॥૩॥

કીરતજુ આદર કર લીની સોય રહો તુમ યહાંઈ ॥

સ્યામા ભામા સબે મિલકે ફૂલન ડલિયાં લાઈ ॥૪॥

સાંઝી ભરત ધરત બોહોં મેવા બીરા વિધિસોં ખવાઈ ॥

પુરુષોત્તમ સખી તન મન વારત સુખ લુટત સુખદાઈ ॥૫॥