અતિ વિપરીત તૃણાવર્ત

અતિ વિપરીત તૃણાવર્ત આયૌ ।

બાત ચક્ર મિસ બ્રજ ઉપર દ્વૈ નંદપૌરીકે ભીતર ધાયૌ ॥૧॥

પૌઢે શ્યામ અકેલે આઁગન લેત ઉડ્યૌ આકાસ ચઢાયૌ ।

અઁધાધુઁધ ભયૌ સબ ગોકુલ જો રહ્યૌ સો તહાઁ છિપાયૌ ॥૨॥

જસુમતિ આઈ ધાઈ જો દેખે શ્યામ શ્યામ કહી શોર લગાયૌ ।

ધાવહુ નંદ ગુહાર લગૌ કિન તેરૌ સુત અઁધબાઇ ઉડાયૌ ॥૩॥

ઇહિ અંતર આકાસતેં આવત પરવત સમ કહી સબહી બતાયૌ ।

માર્યૌ અસુર શિલાસોં પટક્યૌ આપુ ચઢે તા ઉપર ભાયૌ ॥૪॥

દૌરે નંદ જસોદા દૌરી તુરતહિં લેતહી કંઠ લગાયૌ ।

સૂરદાસ યહ કહી જસોદા ના જાઁનોં બિધિનહિં કહા ભાયૌ ॥૫॥