Braj Bhayo-Maharikai Poot
Lyrics
Braj bhayo-maharikai poot jab yah bat suni ||
Suni aanande sab log Gokul ganit guni ||
Braj poorab poore puny roopi kul suthir thuni ||
Grah lagan nakshatr bali sodhi kini ved dhuni ||1||
Suni dhai sab Brajanari sahaj singar kiyen ||
Tan paharen nautan chir kajar nain diyen ||
Kasi kanchuki tilak lilat shobhit har hiyen kar kankan kanchan thar mangal saj liyen ||2||
Ve apane apane mel nikasin bhanti bhalin ||
Manon lal muninaki panti pinjaran choor chalin ||
Ve gaven mangalagit mili dash panch alin ||
Manon bhor bhayau ravi dekhi phooli kamal kalin ||3||
Ur anchal udat na janyo sari surang suhin ||
Mukh mandyo rauri rang sendur mang chhuhin ||
Shram shravanan taral tarauna beni shithil guhin ||
Shir barashat kusum sudesh mano megh phuhin ||4||
Piy pahalen pauhonchin jay ati aanand bharin ||
Lai bhitar bhavan bulay sab shishu pany parin ||
Ek badan udhari niharat det asis khari ||
Chirajiyo Yashodanand pooran kam kari ||5||
Dhany dhany divas dhany ratr dhany yah pahar gharin ||
Dhany dhany maharijooki koonkh bhagi suhag bharin ||
Jin jayo esau poot sab sukh phalan pharin ||
Thir thapyo sab parivar manaki shool harin ||6||
Suni gvalan gay bahori balak boli liye ||
Guhi gunja ghasi vanadhatu ang ang chitr thaye ||
Shir dadhi makhanake mant gavat git naye ||
Sang jhanjh mridang bajavat sab Nand bhavan gaye ||7||
Ek nachat karat kulahal chhirakat harad dahi ||
Manon barakhat bhadonmas nadi ghrit doodh bahi ||
Jako jahin jahin chitt jay kautak tahin tahin ||
Ras aanand magan guval kahu badat nahin ||8||
Ek dhay Nandjoope jay puni puni pany parain ||
Ek aap aapuhin manjh hansi hansi ank bharain ||
Ek ambar sakhahi utari det nishank kharain ||
Ek dadhirochan or doov sabanake shish dharain ||9||
Tab Nand nhay bhaye thade aru kush hath dharain ||
Nandimukh pitar pujay antar soch haun ||
Ghasi chandan charu mangay vipran tilak karain ||
Var gurujan dvijan pahray sabanake pany parain ||10||
Gan gaiya gini na jay tarun subachh badi ||
Nin chain Yamunajooke kachh doone doodh chadhi ||
Khur roope tambe pith sone sing madhi ||
Te dini dvijan anek harakhi asis padhi ||11||
Tab apane mitr subandhu hansi hansi boli liye ||
Mathi mrigamad malay kapoor mathen tilak kiye ||
Ur manimala pahray basan vichitr diye ||
Manon barashat mas ashadh dadur mor jiye ||12||
Var bandi magadh soot aangan bhavan bhare ||
Te bolen lai lai nam hit kou na bisare ||
Jin jo janchyau so dini ras Nandray dhare ||
Ati dan man paradhan pooran kam kare ||13||
Tab Rohini ambar mangay sari surang dhani ||
Te din badhoon bulay jaisi jay bani ||
Ve ati aanandit bahori nij grih gop dhani ||
Mili nikasin det asis ruchi apuni apuni ||14||
Tab gharaghar bheri mridang patah nisan baje ||
Var bandhi vandanamal aru dhvaj kalash saje ||
Tab ta dinaten ve log sukh sampati na taje ||
Suni Soor sabanaki yah gati je Hari charan bhaje ||15||