ચૌથો બિલાસ કિયો

ચૌથો બિલાસ કિયૌ શ્યામાજૂ પરાસૌલી બન માઁઈ ॥

તાકે વૃક્ષલતા દ્રુમવેલી તન પુલકિત આનંદ ન સમાઈ ॥૧॥

ચંદ્રભગા મુખ્ય યૂથાવલિ અપની સખી સબ ન્યૌતિ બુલાઈ ॥

ખંડમંડા જલેબી લડુવા પ્રત્યેક અંગકૌ ભાવ જનાઈ ॥૨॥

સાજ કિયૌ પૂજન દેવીકૌ બહુ ઉપહાર ભેટ લૈ આઈ ॥

ખેલન ચલી બની તિહિંશોભા જ્યોં ઘનમેં ચપલા ચમકાઈ ॥૩॥

પોહોંચી જાય દરસ દેવી તબ હ્વૈ ગયે શ્યામકિશોર કન્હાઈ ॥

મનકૌ ચીત્યૌ ભયૌ લાલનકૌ હાસ બિલાસ કરત કિલકાઈ ॥૪॥

શ્યામાશ્યામ ભુજ ભર ભેટે તૃણ તોરત ઔર લેત બલાઈ ॥

કહી ન જાય શોભા તા સુખકી કુંજન દુરે રસિક નિધિપાઈ ॥૫॥