જબ કુદ્યૌ હનુમાન
કીર્તનના શબ્દો
જબ કુદ્યૌ હનુમાન ઉદધિ જાનકી સુધિ લૈન કૌં ॥
દેખનકૌં દશમાથ અપને નાથકૌં સુખ દૈનકૌં ॥૧॥
જા ગિરિ પર ચઢિ કુલાઁચ લીની ઉચકૈયાઁ ॥
સો ગિરિ દશા યોજન ધઁસિ ગયૌ ધરની મહિયાઁ ॥૨॥
ધરની ધઁસ ગઈ પાતાલ ભાર પરેં જાગ્યૌ ॥
શેષહૂકૌ શીશ જાય કમલ પીઠ લાગ્યૌ ॥૩॥
અરુણ બદન શ્વેત દશન બડૌ પીન ગાત હૈ ॥
ઉત્તરતેં દક્ષિણ માનોં મેરુ ઉડ્યૌ જાત હૈ ॥૪॥
જા પ્રભુકૌ નામ લેત ભવ જલ તર જાત હૈ ॥
શત યોજન સિંધુ કૂદ્યૌ તૌ કેતિક યહ બાત હૈ ॥૫॥
રામચંદ્ર પદ પ્રતાપ જગતમેં યશ જાકૌ ॥
નંદદાસ સુરનર મુનિ કૌતુક ભૂલે તાકૌ ॥૬॥