શોભિત સુભગ નંદજૂકી

શોભિત સુભગ નંદજૂકી રાની ।

અતિ આનંદ આઁગનમેં બૈઠી ગોદ ખિલાવત સારંગપાની ॥૧॥

તૃણાવર્તકી કરી સુરતિ જિય પઠયૌ કંસ અસુર અભિમાની ।

ગરુવે ભયે વહીં બૈઠારે સહિ ન પરૈ જનની અકુલાની ॥૨॥

આપુન ગઈ સદન મેં દૌરી કછૂ એક કાજ તહાઁ લપટાની ।

ભયૌ ઉર મહાભયાનક ગોકુલ સકલ પ્રલયકૌ ઉદયૌ ગોપાલૈ જાની ॥૩॥

મહા દુષ્ટ લૈ ચલ્યૌ અકાસેં બાલકૃષ્ણ યહે જિય ઠાની ।

ચાઁપી ગ્રીવ હરિ પ્રાણ હરે દૃગન રંગત ચલ્યૌ અધિકાની ॥૪॥

પાયલ સિલા નિરખિ હરિ પર્યૌ ઉપર ખેલત શ્યામ સુખાની ।

બ્રજ વનિતા ઉપવનમેં પાયે લયે ઉઠાય કંઠ લપટાની ॥૫॥

લાઈ ગહી ચૂઁમત ચાહતિ ઘર ઘર સબન બધાઈ માની ।

દેત આભૂષન બારિ બારિ સૂર સબ નારી બારિ પીવત પાની ॥૬॥